كلمات عن المصارحة 2019

وفضفض لي يا بعد عمري وعاتبني وفهّمني
أنا أطري على بالك كثر ما إنت عليّ تطري

تعال قرّب من أحضاني ترى خدّك مواعدني
يبي يلامس شغف روحي ويقطف بوحي من شعري

تعال أنثر هنا ليلك وخلّي ويلك يولّعني
أنا أحبّك وأبي قربك، ترى منّي قضى صبري

أنا نبضك، زهر أرضك، وإنت إيه تملّكني
بنحل خصرك، جمر ثغرك، وزود بلونك الخمريّ

تتوّهني، تغرّقني، ومن بردك تدثّرني
وتبكي لي وتشكي لي وله قلبك ومن سحري

أبي دموعك مع أنفاسك بصدق الودّ تحرقني
وأبي عطرك مع سحرك وآهك بالحشا تسري

أبي همسك يبعثرني غلا ولمسك يلملمني
وأبي عيونك من عيوني تذوب من الولع كثري

وأبي عهدك مع وعدك وأبي كلّك تسلّمني
أبي إيدك تسافر بي وزهر قدّك يلحفني