التخطي إلى المحتوى
محتويات
[toc]


يمي علي حقوق ماهي بسيطات
والله ماتسوا من الحمل يومين
تسعت شهور بداخل البطن هيهات
داخل حشاها جالسن بين ضلعين
امشاركن بالزاد والشرب بالذات
كني صبي العين في داخل العين
حتى التنفس بين روحه وجيات
آخذ نصيبي منه وحده وثنتين
وغيره وغيره جرت الويل ونات
الروح … تطلع ياصﻻة المصلين
ماترجع إﻹ بالزمن عقب ساعات
الله لطف و احيا مع الروح روحين
والدمعه اللي حولت عشر مرات
اطهر واعز من المطر بين قوسين
والحضن كرسي نوم مافيه شكات
ثم أرضعتني ثديها تم حولين
دافي وماجودن على كل الاوقات
فيه المناعه والشفاء والفتامين
صدرن حنون وممتلي بالمسرات
تظمني فوق الحشا بالذراعين
واليا مرضت تساهر اللي طويلات
سمر اليال مجوعات السراحين
ويوم اكتمل سني قوي العضالات
لازم عليه واجبي نقضي الدين
اعطف عليها بالسنين الاخيرات
واجعلها صدري فياض وبساتين
ان غبت عنها تاخذ النوم غفوات
في عينها كني وليد الاسبوعين
وان جيت قالت مرحبا فرحتي جات
لو كان ساعه في نظرها زمانين
واسمع كلامن لينن بالعبارات
ماكني إﻹ عندها حاكم الصين
وحنانها يضفي بكل المحيطات
هي جنت الدنيا ومنزال علين
واللي يبا الجنه وفالعلم أشارات
يروف بأمه قبل حصد المثامين
تحت القدم ياهل القلوب النبيهات
المصطفى قوله دليل البراهين
والله ضرب باﻻمثله معنى اﻵيات
اللطف والحنان والمنطق الزين
ياالله تخليها سنينن كثيرات
يغافر الزله وثيق المضامين

التعليقات

Leave a Reply

Your email address will not be published.