تجيني طيف يا عمري.. على جنحان شوقـي لـك
أخاف أرمش من عيوني وأبعثر صورة وصالك
…
حبيبي لا تجيني قول .. وين أنت وأنا أجي لك
أبيك تقول وين أنت.. وعلى عيوني أنا أسعى لك
…
وربي فوق روس الشوك.. لا أخلي القلب يمشي لك
وأخلي ظلالي يسبقنـي قبل يحضنـي منزالك
…
ثواني بس أبتهندم من عيونـك وأبهـدي لك
في عينك ضحكةٍ حتـى تكحل عين عذالك
…
يقولوا الناس : بغيابي تشب القلب ويضوي لك
حنيني ومن وهج شوقه.. يميل القلب لا مالك
…
قضى دمعي من عيوني أبي من عينك ابكي لك
أبنثر من ورا عيوني دمـوع عيـون ترحالك
…
وحتى الشوق من صبح الدرايش قام يهـدي لك
عصافير الرضى ترفـرف علـى بيبان مدخالك
…
هنا ترمي صباح الخير قبل لا تروح وأدعي لك
وهنا تضوي مساء الخير في عيني مـن هلالك
…
أنا من الليل يقطفني شعوري لك وأغنـي لك
انا من الصبح يليّلني الحزن.. مـن لـون موالـك
…
حرام الليل ماهو ليل ! اذا مـا كنـت فـي ليلـك
وحرام الصبح ماهو صبح إذا ما كنـت فـ ظلالـك
…
تروح وقلت : أحط عمري.. علـى كفـي وأناديلـك
نزعت العمر مـن شفـت الغـلا بالـروح نادالـك
…
بربك قول : وش سوى الفـراق بوجـه منديلـك؟؟
تسيل ألوان طيفي فيـه الـى مـن البكـا سالـك
…
حبيبـي لا يبكيـك الفـراق ولا يـهـد حيـلـك
أخاف الدمع من عينك يجفف صورتـي ببالـك
…
تعال أحتاج أسولف لك عـن الايـام وأشكـي لـك
وأفض غيم الحزن وأنثر حنيـن الشـوق بقبالـك
…
تعال وحـط فـي قلبـي همـوم الفرقـا وأشيلـك
لان القلب ماهو قلب إذا فـي نبضـه مـا شالـك
…
قضى دمعي من عيوني أبي من عينك أبكي لـك
اخاف أبكي على طيفك وأبعثر جيت وصالـك ..!!
كلمات عن الوصال 2019
محتويات
[toc]
التعليقات