أنا الذي من شوف الأحباب محروم
والله يكافي شر زلات الأقدام
قبل أمس مع ربعي سواليف وعلوم
واليوم طاويني هواجيس وهيام
أضحك ضحى قبل أمس وأبكي ضحى اليوم
ياسرع دورات الليالي والأيام!
**
المعذره ياحب ماني بناسيك
مانساك لو تنسى الليالي قمرها
ارسل فؤادي بالرسايل يخاويك
طاريك يطريلي وروحي سمرها
ياوقت لاترمي علينا بلاويك
من برها أوديتنا في بحرها
الحب حبك والمحبه تحييك
حبك غمرني والمشاعر نثرها
**
من يقول اني بنسيانك نويت
وإن تناسيتك يذكرني التعب
مستحيل أنساك لوحتى قويت
وإن قويت أنساك نسيانك صعب
في دقايق غيبتك ياما بكيت
ياما لعيونك تجاهلت العجب
كنت ادور فيك عيب ومالقيت
وان لقيت العيب يعجبني عجب!
**
الحب معنى للوفا بين قلبين
ياعاذلين القلب لاتعذلوني
لاصار من تهواه يسوى ملايين
ودك تحطه فوق كل الظنوني
حتى لو انه بعيد عن العين
البعد بعد القلب لاتشغلوني
أنا كذا طبعي كذا
لاتقولون ..حتى مع الغالين
طبعي جنوني!
**
لو تدري الشوق بعدك وين وداني..
مكان والله يمر البعد في بالك..
تبقى حبيبي ولو تزعل وتنساني
تبقى بقلبي كبير ودايم لحالك..
الليل بعدك ظلامه طال وأشقاني
والفجر نوره تعذر يطلب وصالك..
**
طالت الغيبات يا غالي علينا
وان تحريتك فهذا من غلاك
لو يطول البعد والله ماسلينا
المشاعر همها لحظة لقاك
يا كريم النفس مثلك مالقينا
لك معزة زادها عندي وفاك
ليت قربك يا هنا العمر بيدينا
واتبعك كني ظلال من وراك
**
بعض الوجيه تشوفها كل ليلة
لا شوق لا موعد لكنها اقدار
وبعض الوجيه تغيب غيبة طويلة
لكن لها في القلب حشمة ومقدار
**
ياناس خلوني معه واتركوني
محد يعوضني غيابه ليا غاب
مافيه مثله بالبشر صدقوني
مزيون متواضع طيب وجذاب
**
لو غبت لحظة كل مابي يتمناك
صعبة حياتي يا حياتي بدونك
اهيم في صوتك وهمسك ولقياك
حتى مع الأحلام ما اقدر اخونك
**
الحلم يجمعني بكم كل ليلة
يطوي بساط البعد مابيننا البين
صارت حلوم الليل عندي وسيلة
اشوفكم يااحباب قلبي قريبين
**
محد يشق القلب من غير تفكير
حتى الدكاترة ترتجف ثم تحتار
الحب يشق الجوف من دون تخدير
ويبني قصور بداخل القلب وانهار
هذي حقيقة قلتها بصدق وتعبير
وأرسلتها للي حافظن كل الأسرار
أجدد توبيكات اسرار للواتس اب 2019 , توبيكات واتس اب تحفه
محتويات
[toc] أجدد توبيكات اسرار للواتس اب 2019 , توبيكات واتس اب تحفه
التعليقات